Ken ví gett túgeðer...

Ég held að það sé eitthvað að Yokopop, kisunni minni. Hún er svo SPES! Hún elskar morgunandfýlu, svitalykt og kartöflumús.



Ég ætlaði reyndar að blogga til að kvarta undan veðrinu en þar sem ég er svo mikill internet snillingur þá hef ég lesið mér til um (og verið sagt af mömmu) hversu öööömurlegt veðrið er á Íslandi.. get lítið sagt. Samt mjög íslenskt veður hérna, ROK og RIGNING. Og þessi hundaskítur hér um allan garð.. búin að fá mig fullsadda af honum!



Var að lesa bloggið hennar Völlu vinkonu og hún er svo svakalega dugleg þegar kemur að jólaundirbúningi.. hún er búin að versla jólagjafirnar, hálfnuð með kortin, búin að baka smákökur og konfekt.. snilld.

Ég er ekki alveg svona hagsýn.. búin að versla helminginn af gjöfunum, engin kort og ét allt sem ég baka um leið og það er komið úr ofninum. Ég kann mér ekki hóf.



Hins vegar er ég ekki gráðug manneskja að eðlisfari en það er ekkert sem stendur í vegi milli mín og og nýbakaðra kanilsnúða... EKKERT.

Áttum æðislega seinustu helgi, ég var að vinna á laugardaginn en þegar ég kom heim var vinur Paul í heimsókn og sátum við að tjatta heillengi og nenntum engu. Pöntuðum okkur kínverskann mat á The Golden Bowl og opnuðum kampavíns flöskuna sem Paul fékk með jólagjöfinni frá vinnunni í fyrra haha Okkur fannst tími til kominn að opna gersemina og kampavínið var alveg prýðilegt.



Við áttum góðar stundir og mikið hlegið framá nótt, ég elska svona spontant gett túgeðer. Enda plana ég andskotann aldrei neitt.. hehe

Á föstudaginn byrjum við að klæðast sem sjóræningjar í vinnunni í tilefni Panto eða jólaleikritanna, Pétur Pan er nefnilega í stærri salnum svo að við ætlum að taka þetta með stæl og vera öll sjóræningjar hehe Ég að vísu verð bara í rifnu gallabuxunum mínum uppbrettum í converse skóm og svörtum og hvítum röndóttum bol með rauðann klút um hálsinn hehe Æi þetta er svo lúðalegt eitthvað en svo lúðalegt að það er gaman að vera með, krakkarnir fíla svona ;)


sé mig í anda...

Talandi um krakka, sumir sem vinna með mér eiga börn og koma með þau stundum í vinnuna í heimsókn og eitthvað.. ég veit aldrei hvað ég á að segja við þau. Mér finnast börn eitthvað svo óþægileg og kann ekkert á þroska barna, ef ég eignast ekki barn innan fárra ára mun ég verða þessi óþolandi frænka sem talar við þig sem smábarn þegar þú ert löngu vaxin uppúr því eða tala við þig um fullorðna hluti sem þú ert alltof ung til að vera einu sinni að pæla í.



Verst er að ég man alveg hvernig var að vera unglingur, fékk það beint í æð á Take That tónleikunum.. flashback dauðans. En æskan hefur breyst svo mikið.. allir svo tæknivæddir og meðvitaðir.. nú þegar ég lít til baka finnst mér eins og ég hafi alist upp á redneck heimili í Suður-Karólínu.

Ég man þegar ég átti vasadiskó sem ég keypti fyrir minn eigin 8 þúsund krónur og það hafði stafrænt útvarp (það er leitin að bylgjulengdinni).. .það þótti mjög flott á sínum tíma, núna er allt orðið svo míkró.. ég á ipod shuffle sem ég myndi pottþétt týna ef ég gæti ekki klemmt hann á fötin mín :p


þetta þótti æðislega flott.


þetta er málið núna..

Ég þarf að redda mér kasettu tæki, ég á enn 300 kasettur uppi á háaloftinu góða.. sjitt draslið sem þar er að finna. Man það var alveg ómetanlegt ef maður náði heilu lagi á spólu úr útvarpinu hehe Í dag torrentar maður allt bara :p (ég sagði þetta ekki)



Eníveis, ég horfði á National Lampoon's Christmas Vacation á sunnudaginn, ég hlæ alltaf jafn mikið að henni. Ekta sunnudagsmynd og kemur manni í rétta jólaskapið (æi ég hljóma eins og bylgjan)


Love it!!



Ég er farin í bili, yfir og út.