Skyld'að vera jólahjól ?!

Í dag erum við Paul búin að vera að jólast á fullu, keyptum okkur risastórt lifandi jólatré og erum búin að skreyta það :D Alveg yndislegt!



Annars er búið að vera mikið að gera í vinnunni eins og vanalega og var Garðar Thor Cortes að syngja hjá okkur í seinustu viku :D Ég næstum dó úr skömm þegar hann labbaði inn í leikhúsið með Einari Bárða en fattaði svo að fólkið sem ég vinn með veit ekkert hvað Einar Bárða er lúðalegur og engin þeirra hefur heyrt í Nylon... *hjúkk*



Hann er alltaf jafn sjarmerandi Cortesinn, ég eldaði handa honum matin hans en fékk ekki að hitta hann :( en ég fékk að læðast inn á tónleikana og horfa á hann eitt lag :) Ég komst að því að hann er eiginlega bara sætur þegar hann er ekki að syngja, hann verður svo furðulegur á svipinn þegar hann syngur og fær svona svakalegann augnbrúnakipp! :S



Í gær var ég að vinna allan daginn, voru æfingar fyrir 101 dalamtíu hunds leikritið sem við munum byrja að sýna á þriðjudaginn. Þetta þýddi að ég og Rachelle þurftum að elda fiskaputta (fishfingers), hamborgara, franskar og bakaðar baunir handa 50 krökkum ! við höfðum beisikklí hálftíma til að gefa þeim að borða þar til þau þurftu að fara á æfingu aftur! Þetta var þvílíkt fjör haha! Mér fannst ég vinna á færibandi í verksmiðju hehe



Þegar ég svo loksins kom heim eftir langann dag þá komst ég að því að ég var læst úti og Paul hjá vin sínum í hálftíma lestarferð í burtu og ég átti enga inneign á símanum. Sem betur fer var nágranni minn að koma heim og tékkaði á mér. Ég var búin að dreifa öllu úr töskunni minni útum allt fyrir framan hurðina hjá mér :p En hann var svo góður að leyfa mér að senda Paul sms og bauð mér innfyrir í hvítvínsglas og spjall - þvílíkt nice!


Allir þurfa góða granna, ekki skemmir ef þeir eru svona fallegir!

Við fórum einmitt að tala um hvað væri skrítið að við erum búin að búa hlið við hlið í heilt ár en aldrei talað saman neitt að ráði. En hann var alveg sá yndislegasti og ég auðvitað baðst afsökunar fyrir hönd Tim því hann á það til að vera frekar hávær en hann hélt víst heillengi að það væri fugl fastur í þakinu hans og svo hélt hann að hann væri fastur í háfinum sínum lol!! Tim er nefnilega akkúrat hinu megin við vegginn í eldhúsinu hans hahaha

En þetta var alger snilld, gaman að eignast nýja vini ;) Ég ætla einmitt að baka í kvöld og banka uppá og bjóða honum uppá bakkelsi sem þakkir fyrir að nenna að hanga með mér í klukkutíma eftir að betri helmingurinn minn kom heim :)
Granninn meira að segja bauðst til að passa uppá dýrin okkar þegar við förum til Íslands :D

En já ég vona að allir hafi það gott, Mamma, Lilja og Linda fóru í heimsókn til Láru og ég er viss um að allir hafi skemmt sér vel :D Ég er búin að reyna að kommenta á síðuna þína Lára mín nokkrum sinnum en ég komst aldrei í gegn! Hefði verið æðislegt að vera með en ég kem til ykkar von bráðar!! - Meiri gestagangurinn á ykkar heimili, enda ekki við öðru að búast þið eruð svo mikið æði ;)

Hlakka til að keyra upp til Danmerkur í sumar á honum Friðsæl ;)



Jæja ég er farin að halda áfram að þrífa og baka eitthvað sniðugt (þó svo mesti tíminn fari í það að reyna að ná Yokopop úr jólatréinu - fann hana í miðju tré áðan.. hmmm)

Jólaatraumar frá okkur á Overstone!