10 staðreyndir um mig og annað tilgangslaust raus

Hæ ég heiti Guðný og ég er spes. *Hæ Guðný*

1.Þegar ég fer að sofa þá verð ég að snúa sænginni rétt. Ef sængurveraopið snýr að mér fríka ég út, ég kalla opið "the end" eða á góðri íslensku "endann".
Þetta á við öllu stundum, hvort sem ég er að fara að sofa eða er bara að kúra í sófanum með sæng.



2.Ég á til að hugsa of mikið um ýmsa hluti og mikla allt fyrir mér. Samt finnst mér ekkert mál að ráðleggja öðrum og veit yfirleitt hvað á að gera. Semsagt get ekki hlustað á eigin ráð.



3.Ég er snillingur í að borða súkkulaði þar til mér finnst ég þurfa að gubba. This has got to stop. Reyndar er ég búin að minnka súkkulaðið, það er ekkert súkkulaði keypt inn á heimilið, ef mann langar í svoleiðis lúxus fer peningur úr matar budgeti og maður þarf að labba spes út í sjoppu eftir því.



4.Ég er dugleg að kaupa grænmeti en ekki jafn dugleg að borða það. Paprikur og sveppir eru efst á lista yfir það sem skemmist, samt finnst mér hvoru tveggja rosalega gott. Hvað er í gangi.



5.Ég eeelska að versla í Primark, get ekki farið þar inn án þess að kaupa eitthvað.. Ég er einnig haldin kjólafíkn og á um 15 kjóla. Samt lifi ég á ca 2000kr á viku - Primark er bara snilld :D



6.Þegar ég fer eitthvað þá tekur mig lengstann tímann að ákveða í hverju ég á að vera. Ég skipti að jafnaði 4 sinnum um átfitt áður en ég kemst að niðurstöðu og í 90% tilfella enda ég í því sem ég fór í fyrst.



7.Uppáhalds skórnir mínir eru svörtu puma skórnir mínir með semelíu steinunum, þeir eru náttúrulega bara POSH ! hehe



8.Ég elska að horfa á kvikmyndir og heimildarmyndir, finnst gaman að fræðast og kynna mér hin ýmsu málefni og mér finnst mikilvægt að aðrir geri það líka.



9.Mig langar rosalega mikið til að ferðast til Japan. Reyndar langar mig að ferðast um allan heim og stefni á að gera það innan 3ja ára :D



10.Ég elska íkorna, finnst þetta ein sætustu dýr í heimi!! *mússímússí*



Ég ætlaði að fara að skrifa eitthvað svakalegt raus en allt í einu varð ég hugmyndasnauð og búin að þjást af writers block síðan tíu í morgun... klukkan er að verða hálf fimm.

Ég er ekki búin að gera neitt í dag nema háma í mig möffins sem ég bakaði í gærkvöldi og svo fór ég í Primark og keypti mér gallabuxur á 1200 kall hehe Þær eru alveg ágætar, verð bara að passa mig að beygja mig ekki mikið í þeim því þá fæ ég geðveikann plömmer :S Þarf bara að vera í vel síðum bol við hehe

Ég komst að því í gær hvers vegna það er svona ódýrt að kaupa mat hérna í UK, matvöru búðir hafa núll skipulag og öllu hent fram einhvern veginn og svo átt þú bara að fara í ratleik. Ég fór í Sainsbury's í gær að kaupa kakó til að baka með. Mjög algeng vara svo ætti ekki að vera neitt mál að finna hana. Nei, ég mátti labba 5 hringi um búðina, labba inn í hvern einasta gang - labba þá alla aftur og þríyfirfara allt sem ég sá..

*urr* ég varð svo pirruð, það er aldrei neitt á sama stað.. líkar vörur eru sem lengst frá hvor annari. Eina sem er flokkað í þessum búðum er áfengið. Ég ætlaði að kaupa kardimommudropa í sömu ferð en gafst upp.. var bara orðin svöng á öllu þessu hlaupi og þurfti knús.

Mér finnst svo leiðilegt að versla í matinn hérna, það er allt svo stórt og fólk alltaf fyrir manni! það á að banna gömlu fólki og börnum að fara í búðir á háannatíma! Maður er fastur fyrir aftan eitthvað gamalt fólk sem getur ekki ákveðið hvernig jógúrt það vill og á meðan reynir kelling með 2 börn í kerrunni sinni að troða sér og krakkarnir þreyttir og grenjandi :S

Hef ekki þolinmæði í svona! Ég veit hvað ég þarf og vil bara svona inn/út verslunarferð. Svo er skítakuldi í þessum búðum og maður er alveg að krókna, þar til maður kemur út í hlýjuna.

Talandi um fólk sem er fyrir manni! Ef maður er að labba á gangstétt og mætir 2-3 bretum saman þá mun enginn þeirra færa sig svo maður komist framhjá! Ég þoli þetta ekki og það er eins og bretar séu algerlega oblivious þegar kemur að hornum! Það labbar fyrir horn eins og það sé bara eitt í heiminum þetta fólk og er ekki einu sinni að horfa hvert það er að fara!! *aaagggghhhh*

Ég er samt að taka þetta allt í sátt.. Northampton er ekki beint menningarsjokk hehe Ég er ansi hrædd um að einn daginn muni mitt umburðarlyndi hverfa og ég muni bara missa það og garga á þetta lið sem er of gamalt, er fyrir mér og vill ekki færa sig.

Til þess að fresta þessum ósköpum fer ég heldur í ræktina og tek út alla mína útrás. Ég er ekki frá því að það var farið að rjúka úr hlaupabrettinu mínu um daginn..

Þetta var pirringur dagsins í boði Guðnýjar. Ég bið ykkur góðs föstudagskvölds og blogga ykkur á morgun.

*opnabjór*

aaaahhhhh leiter skeiters!